What’s Her Best Look

                                                             صوّتي للوك الأحلى

تسريحة مرفوعة ناعمة

مــــــرحـــــــبـــــــــا

تدوينة اليوم بخليها لتسريحة رفع ناعمة وأنيقة مناسبة لكل مناسبة سواء رسمية أو بسيطة، وتنفع للشعر المتوسط والطويل ..

لإنجاز هذي التسريحة نحتاج نسوي الشعر ويفي ..

كتبت في الماضي مواضيع عن طرق لتجعيد الشعر بلا حرارة ..

تفضلي هـــــنـــــا للمشاهدة الموضوع الأول، و هـــــنـــــا للموضوع الثاني ..

***

((اضغطي على الصور لتكبيرها))

– نلفلف الشعر سواء بالطرق اللي كتبت عنها أو باللفافات العادية ..

– نقسم الشعر لثلاث اقسام: الغرة \ خصلة من جانب الشعر \ باقي الشعر ..

– ناخذ الخصلة ونضفرها ثم نوسع الضفيرة عشان ما تكون مشدودة ..

– اللحين بنشتغل على باقي الشعر، ناخذ الخصلات اللي بقمة الرأس وننفشها عشان تعطي حجم للتسريحة، ثم نربطها بلستك ..

***

– نلف الشعر المربوط للأعلى ونثبته بالبنس ..

– ناخذ الشعر اللي بالأسفل ونبرمه (ثم نسحب خصلة منه حتى يتوسع ومايكون مشدود) ونرفعه ونثبته بالبنس ..

– نثبت الضفيرة (كما في الصورة) ونكمل رفع باقي الشعر ..

– إذا كانت الغرة طويلة ثبتيها مع الشعر ..

– ننهي التسريحة بالبخاخ المثبت ..

– تقدرين تخلين التسريحة كما هي أو تضيفين اكسسوارات على حسب ذوقك ..

*
*
*
*
إن شاء الله يكون عجبكم الموضوع

🙂

See You Later

كيف تسوين ذيل حصان أنيق

مــــرحــــبــــــا

عمرك تساءلت كيف يخلون ذيل الحصان منفوخ ومشدود ومرتب؟؟

مثل ما تعرفين ذيل الحصان التقليدي (مثل الصورة اللي باليسار) كاجوال وما فيه أي حياة أو أناقة ..

بعلمك على طريقة تضمن لك ذيل حصان مثالي ينفع للأيام العادية والمناسبات البسيطة على حد سواء ..

***

((اضغطي على الصور لتكبيرها))

• أولاً نقسم الشعر لقسمين، نرفع الجزء العلوي عشان نشتغل على الجزء السفلي ..
• نربط الجزء السفلي بربطة صغيرة، نراعي أن تكون الذيل مشدود ومرفوع ..
• نقسم الذيل لجزئين، نجيب كلبسة شعر صغيرة ونحطها على مفرق الجزئين (بشكل طولي) ..
• ننزل باقي الذيل وبنلاحظ أن منفوخ أكثر من السابق ..

***

• نفك الجزء العلو من الشعر وننفش الشعر على خفيف (خطوة اختيارية) ..
• نملس الشعر ونلمه ونربطه مع الذيل السابق ..
• ناخذ كلبسة ثانية و نسوي مثل ما سوينا مع الذيل السابق ..
• ناخذ خصلة من أسفل الذيل ونلفه على الربطه عشان ما تبان ونثبت نهايتها بالبنس، رشي مثبت الشعر إذا خلصتي (اختياري) ..

*

*

الخطوات كلها ما تاخذ معك أكثر من 10 دقائق إذا مو أقل ..

🙂

هل عجبكم الموضوع..؟

أكتبوا لي آرائكم

تسريحة الحبل المبروم

الــســلام عــلــيــكــم ورحــمــة الله وبــركــاتــه

التسريحة لليوم هي مناسبة للشعر الطويل، كل ما كان الشعر طويل كل ما كان أجمل ..

الطريقة بسيطة وما تاخذ وقت ..

***

((اضغطي على الصور لتكبيرها))

اختاري جهة تجيبين شعرك كله فيها، نقسم الشعر إلى جزئين متساويين ..

ناخذ الجزء الأول ونقسم بالنص ونبرمه على نفسه ثم نربطه، ناخذ الجزء الثاني ونسوي نفس البرمة ..

ناخذ الجزئين ونبرمهم على بعض ثم نربط أسف الشعر ..

بإمكانك سحب الخصل قليلاً عشان يتوسع الشعر ..

***

و بـــــس

*

*

أتمنى يكون عجبكم الموضوع

🙂

تسريحة ذيل السمكة المقسمة

مــــرحـــبــــا

تسريحتي لليوم هي جميلة و تناسب الشعر الطويل سواء للكبار أو الصغار ..

يلا نبدأ 🙂

*

*

((اضغطي على الصور لتكبيرها))

– نرفع نصف الشعر ونربطه، ناخذ خصلة صغيرة من أسفل الذيل ونلف جزء منها على الربطة ونثبتها بالبنسة ..

– نبدأ نسوي ضفيرة ذيل السمكة (تفضلي هنا للطريقة بالتفاصيل)، تقريباً ربع الشعر ثم نربط الشعر ونرجع ناخذ خصلة ونلف جزء منها على الربطة ونثبتها بالبنس ..

***

– نبدأ نسحب الضفيرة على خفييييف عشان تتوسع شوي ..

– نرجع نكمل نفس العملية ونسوي ضفيرة بنفس مقاس الضفيرة السابقة، ونكرر الخطوات السابقة ..

– بعد ما نخلص نربط الشعر ونلف عليه خصلة ..

(إذا ماقدرتي تضبطين الضفيرة ممكن تستبدليها بالضفيرة العادية وتسوين نفس الخطوات السابقة) ..

***

هذي تسريحة بنفس فكرة التسريحة السابقة لكن مع شمل باقي الشعر في الضفيرة ..

***

جربوها وعطوني رايكم 🙂