تألقي بتسريحة ملكة الثلج

مــــرحــــبــــا

من فينا ما انسحرت بجمال أميرات ديزني؟!

الكل ظن أن عهد أميرات ديزني الكلاسيكيات انتهى من سنوات إلا أن فاجئونا بفيلم ” ملكة الثلج ” أو Frozen …

كان هذا الفيلم من أجمل الأفلام اللي ظهرت بالعام الماضي ، عشان كذا أقدم لك عزيزتي هذي التسريحة المستوحاة من هذا الفيلم ..

((اضغطي على الصور لتكبيرها))

***

• نمسك خصلتين في مقدمة الرأس ونبدأ نلفهم على بعض زي الضفيرة ( لكن بخصلتين فقط ) ..
• كل ما ننزل على تحت ناخذ خصلتين ونكمل، وهكذا ..
• إذا وصلنا منتصف الرأس نثبت الضفيرة بالبنس ..

***

• نقسم باقي الشعر نصفين متساويين ونلف أول قسم زي الكعكة ونثبته بالبنس ..
• ناخذ القسم الثاني ونلفه على الكعكة الأولى ونثبت بالبنس ..
• نرش مثبت الشعر على كامل الشعر ..

***

و هــذا هــو الــلــوك الـنــهـائــي

تسريحة حلوة وناعمة ومناسبة لكل الأعمار والمناسبات ..

*

*

*

إذا عجبكم هذا اللوك وتبغون تجربون اللوك الثاني لملكة الثلج ( اضغطوا على الصورة التالية ) ..

*

*

*

ألقاكم في المواضيع القادمة إن شاء الله 🙂

طريقة عمل الشعر الويفي

مـرحـبـا ..

تسريحة الشعر الويفي (wavy hair) صايرة موضة وتنفع للنهار والسهرات على حد سواء ..

لها طرق كثيرة لكن اليوم بعلمك طريقة بسيطة وما فيها تعقيد ..

((اضغطي على الصور لتكبيرها))

يلا نبدأ ….

***

الخطوات :

بعد ما تغسلين شعرك جففيه بالمنشفة بعدين حطي منتج لحماية الشعر من الحرارة ..

باستخدام مجفف الشعر (سيشوار) وبأصابعك جففي شعرك من الرطوبة ..

***

لإعطاء تمويج حلو، رح نستخدم الفير(curling wand) مقاس 25 مليميتر ..

خليك أسنع مني وانتبهي لا تحرقين نفسك هههههه ..

قسمي شعري 3 أو 4 أقسام عشان يكون أسهلك التحكم بالخصل ..

خذي كل خصلة شعر و لفيها على الفير بحيث اللفة تكون على برا (يعني حطي الفير من وراء الخصلة وابدئي اللف) ..

بعد ما تفكينها من الفير اتركيها تبرد وكملي على باقي الشعر ..

اختاري جهة تفرقين فيها شعرك و كملي شغلك ..

***

بعد ماتخلصين اتركي شعرك يبرد بعدين مشطي بأصابعك وفككي التموجات عشان يصير شكلها ويفي طبيعي ..

***

رشي شوي سبراي مثبت عشان تقعد التموجات فترة أطول، بعدين بيدك ارفعي شعرك واضغطي  عشان ينتفخ … (ما عرفت أشرحها هههههه عالعموم سوي مثل الصورة) ..

خطوة اختيارية: جيبي شوي (hair wax) و نسقي التموجات اللي حول وجهك، وإذا عندك شعرات صغيرة متطايرة هبطيها ..

*

*

*

وهذا اللوك الأخير ..

أتمنى يكون الــtutorial عجبكم ..

اشتركوا عشان يوصلكم كل جديد 🙂

تألقي بالتسريحة الإغريقية السريعة

مرحبا 🙂

التسريحات الإغريقية صايرة موضة لها فترة ، أشكالها مختلفة وكلها تتميز بأنها تعطي المرأة طلة ناعمة وأنثوية ..

اليوم جبت خطوات لتسريحة اغريقية مرفوعة ( سهلة مررررة وما تاخذ وقت )!!

((اضغطي على الصور لتكبيرها))

***

تحتاجين إلى :

فرشـة شـعـر – بـنـس – سـبـراي مـثـبـت

و طبعاَ هـيـد بـانـد ( طوق الشعر )

***

أولاً نبدأ بشعر مموج ( ويفي )، باستخدام hair curling wand

اضغطي هــــــنـــــا لطريقة الشعر الويفي ..

***

بعدين ناخذ الشعر اللي بقمة الراس وننفشه بالمشط ونـبـخ عليه شوي سبراي عشان تثبت النفخة ..

***

نحط الطوق على الراس و نبدأ ندخل الشعر فيه خصلة خصلة ونثبتها بالـبـنـس ..

***

إذا عندك غرة زينيها, وإذا لأ سوي مثل العارضة بالصورة، إذا خلصنا نبخ سبراي عشان تثبت التسريحة ..

***

و هذا الشكل النهائي ..

*

*

*

إن شاء الله التسريحة اعجبتكم 🙂

اكتبوا لي آرائكم ..